CEBU, Philippines - Kapin sa 10,000 ka mga atleta, coaches ug mga opisyales ang musalmot karong adlawa sa pagbukas sa numero unong in-school multi-sporting event sa Kabisay-an, ang 2010 Central Visayas Regional Athletic Association (CVIRAA) Regional Meet didto sa Durano Sr. Memorial Sports Complex, Danao City.
Ang Sportsman ug Danao City councilor Oscar “Boying” Rodriguez misaad og usa ka mabulukon nga opening ceremony isip pagsugat sa mga atleta nga nagagikan pa sa nagkadaiyang bahin sa Visayas.
Sugdan ang opening ceremony sa usa ka misa, dayun ang parada sa mga koponan gikan sa 18 ka mga divisions, nga mulibot sa oval.
Lakip sa mga dinapit nga speaker mao si Department of Education Secretary Jesli Lapus ug Department of Tourism Secretary Joseph Ace Durano.
Mutambong usab si Cebu Provincial governor Gwendolyn Garcia, Danao City mayor Ramon “Nito” Durano III, Congressman Red Durano ug DepEd’s regional director Recaredo Borgonia . - BANAT NEWS