Mountainbike fest sa Carmen

CEBU, Philippines - Kapin sa 100 ka mountainbikers ang gilaumang mopakita’g aksiyon sa 1st Mayor’s Cup Mountainbike Race karong adlawa didto sa Carmen.

Ang kalihukan sugdan pinaagi sa motorkada gikan sa Carmen municipal hall paingon sa race venue sa Brgy. Baring.

Si multi-titled RP rider   Niño Surban maoy mangulo sa mga bikers sa circuit racing. 

Lima ka kategoriya ang tigian sa maong lumba -- open-expert, junior-senior, veteran-masters, beginners-executive ug fatboys-goldenboys.

Ang top three winners sa matag dibisyon makadawat og ganting salapi, samtang ang fourth ug fifth placers makadawat og medalya.

Ang kita sa fund-raising activity adto ihapak sa nagpadayong renovation sa Carmen parish church.   (BANATNEWS)