CYBL-MLKP Cup mosikad na karon

CEBU, Philippines - Moulbo na karong adlawa ang M. Lhuillier Kwarta Padala (MLKP) Cup sa Cebu Youth Basketball League (CYBL) diha sa Sacred Heart School-Jesuit (SHS-J) Mango Campus gym.

Pito ka duwa ang ipahigayon karong adlawa sa managlahing korte.

Mosubo sa kalihukan sa ala-1 sa hapon mao ang mga duwa sa 10-under age group diin ang SHS-J moharong sa University of San Carlos (USC) South sa Court 1, ang PAREF Springdale mobatok sa University of San Jose-Recoletos (USJ-R)/Ave Maria Sancutary Park sa Court 3.

Sa 13-under sa alas-2 sa hapon, ang SHSJ-A moharong sa SHSJ-B, samtang ang USJ-R/Ave Maria makigsangka batok sa Southwestern University (SWU).

Magsangka sa 16-under division nga sugdan sa alas-3:15 sa hapon mao ang USC South-B batok PAREF Springdale, USC South-A batok USJ-R/Ave Maria ug ang USC North batok sa Cebu Institute of Technology (CIT).   (BANATNEWS)