MANILA, Philippines - Nagsasagawa ng Jr. NBA Open Clinic sa SM North Edsa Annex 4 mula alas-10 ng umaga hanggang alas-6:45 ng gabi.
Ang mga basketbolistang edad 12 hanggang 14 ang puwedeng makasali sa clinic na kung saan magkakaroon ng pagkakataon ang mga kalahok na maramdaman ang ipinaiiral na Jr. NBA sa US.
Susukatin ang mga kasali sa kanilang skills at drills challenges at puwede nga rin nilang makasama ang kanilang magulang at kaibigan upang makadagdag saya sa buong araw na kaganapan.
Ang NBA youth basketball development program sa bansa ay nasa ikatlong sunod na taon na at nagßsimula ito sa 2010 sa pamamagitan ng Coaches Clinics noong Enero sa Manila, Cebu at Davao.
Matapos ang Clinic ay may isasagawa ring mga Regional Selection Camps sa Marso at ang mga lalabas na mahuhusay na basketbolista sa tatlong regional camps ang uusad sa National Training Camp.
Sa National Camp naman pipiliin ang walong pinakamahuhusay at sila ay ipadadala sa US paramakapanood ng live na NBA game.