Roach may estratehiya na para talunin ni Pacquiao si Clottey

MANILA, Philippines - Ngayon pa lamang ay may nabuo nang estretahiya si American trainer Freddie Roach para sa title defense ni Filipino world seven-division champion Manny Pacquiao kay Jos­hua Clottey ng Ghana.

Sa panayam ng FunHouse.com kahapon mula sa kanyang Wildcard Boxing Gym sa Hollywood, California, sinabi ni Roach na alam na nila ang kanilang gagawin laban kay Clottey.

“Clottey’s accurate if you stand in front of him, but the thing is, we’re going to be in and out and side to side and use our angles on him. He’s not going to be able to catch us,” ani Roach sa kanilang gameplan ni Pacquiao.

Ang nasabing estratehiya ay ginamit na ni “Pacman” sa kanyang eight-round TKO win kay Oscar De La Hoya noong Disyembre 6, 2008.

 “It’s going to be very similar to the Oscar De La Hoya fight I feel. He’s a very tall, comes to you type of guy, who is supposed to be stronger,” wika ni Roach.

At kagaya ng kanilang laban ng 5-foot-10 1/2 na si De La Hoya, magiging maliit rin ang 5’6 1/2 na si Pacquiao kumpara sa 5’8 na si Clottey.

“But I don’t think that that will be the case. I think when the fight time comes off, Manny will be the bigger, stronger guy because he has the bigger heart,” paniniyak ni Roach.

Ibinabandera ng 31-anyos na si Pacquiao ang kanyang 50-3-2 (38 KOs) ring record kumpara sa 35-3-0 (20 KOs) ng 32-anyos na si Clottey.

Sa pagdedepensa ni Pacquiao ng kanyang suot na World Boxing Organization (WBO) welterweight crown sa Marso 13 sa Cowbos Stadium sa Arlington, Texas, alam na ni Roach ang lakas at kahinaan ni Clottey.

“Well, he’s got a good chin, and he takes a good shot, and he can be a little heavy-handed. But he can be passive at times, and he lays on the ropes and kind of rests there a little bit,” ani Roach kay Clottey na hindi pa napapabagsak ng kahit sinuman. “I’ve been studying him really well, and he makes too many mistakes. Pacquiao, I truly feel will be the first person to knock Clottey out.”