Adlawan mangulo sa Team Cebu
CEBU, Philippines - Si international motocross sensation Joen Eleazar Adlawan mao ang mangulo sa Team Power Sports Racing (PSR) nga maoy morepresentar sa Sugbu alang sa FIM UAM Asian Motocross Series karong Pebrero 21 didto sa Puerto Princesa, Palawan.
Si Adlawan uban nila ni Ian Reyes, Giovanni ug Juveniile Abellar, Andrew Canlas ug Joy Islao Jopson makigtigi batok sa uban pang mga riders gikan sa nagkadaiyang bahin sa Asya.
Mga champion riders gikan sa Japan, Malaysia, Indonesia, India, Thailand, China, Mongolia, Guam, Saipan, UAE ug Sri Lanka gilauman sab nga mopakita sa ilang katakus sa labing dakung motocross event nga mahitabo karong tuiga dinhi sa nasud.
Ang lumba gipasiugdahan sa kagamhanan sa Puerto Princesa, Philippine Sports Commission (PSC), Philippine Olympic Committee (POC) ug Department of Tourism. (BANATNEWS)
- Latest
- Trending
