Patriots 2-0 na vs KL Dragons
MANILA, Philippines - Gumana si Jason Dixon sa third period upang ibangon ang Philippine Patriots tungo sa paggiba sa Kuala Lumpur Dragons, 77-43 sa Game 2 ng kanilang best-of-three semifinals series kahapon sa Ynares Sports Center sa Pasig.
Sa tulong ng 6-foot-10 na si Dixon, dinomina ang shaded lane, nagpasabog ang Patriots ng 16-4 run sa bungad ng final canto upang iposte ang pinakamalaking kalamangan sa 46-21 na hindi na nagawa pang tibagin ang Dragons.
Matapos nalimita sa apat na puntos sa unang dalawang quarters, nagsalpak si Dixon ng 9 sa third period upang imarka ang kanyang ika-12th double-double sa 14 games para sa koponan. Humakot rin siya ng 13 rebounds.
Maaari ng tapusin ng Patriots ang kanilang best-of-five series kung mananalo sa Miyerkules sa Kuala Lumpur.
Nakatakdang lumipad ngayong araw ang Patriots patungong KL sakay ng AirAsia.
RP PATRIOTS 77 - Freeman 15, Dixon 13, Acuña 12, Ybañez 8, Gaco 7, Sta Maria 7, Baclao 6, Espiritu 4, Mirza 3, Alcaraz 2, Coronel 0.
KL DRAGONS 43 - Lingganay 10, Brown 7, Loh 7, Hugnatan 6, Kuete 4, Kow 4, Bandaying 3, Batumaai 1, Chee 1, Wee 0, Ng 0, Chai 0.
Quarterscores: 18-6; 30-16; 52-30; 77-43.
- Latest
- Trending
