Alipio, Floreme daog sa Don Bosco Fun Run

CEBU, Philippines - Migawas nga kampiyon sa tagsa-tagsa nila ka dibisyon sila si Enrold Alipio ug Floreme Daculan human sila mangharus sa tinuig nga Don Bosco (DBTC) Fun Run.

Si Alipio mao ang nag-una sa 8K men’s category, samtang si Dave Intong ug si Bro.Carlo Bacalla mao ang mi-okupar sa ikaduha ug ikatulong dapit, samtang sa 6K women’s class, si Daculan, Catherine Rose Abanilla ug Leizyl Magno mao ang top three finishers.

Giharus usab ni Christopher Bebero ang titulo sa 1st year ug 2nd year level category sa lumba. Si Bebero gisundan ni Vicente Concepcion ug si Valentino Calvo nga maoy second ug third placer.

Sa 8K 3rd ug 4th year level, si Ethan Decena maoy milabni sa kampiyonato. Si Ethan Decena mitungtung sa ikaduha ug si Jessie Quirante mao ang mipahiluna sa ikatulong dapit.

Misutoy si Moiselle Alforque sa 3K run, samtang si Christopher Noel Legaspi maoy migawas nga second ug third placer sa grade 4 to six level.

Nanghawud usab si Kenny Tencio sa grade 1 to 3 class batok nila ni Dave Gerard España ug Jocyril Alcoseba. - Lemuel P. Maglinte (BANAT NEWS)