Hapee Online Basketball Training Friendship Tournament sugdan karon

CEBU, Philippines - Sugdan na karong adlawa   ang first conference sa Hapee Online Basketball Training Friendship Tournament diha sa Cebu Eastern College (CEC) gym.

Napulo ka teams gikan sa nagkalain-laing tunghaan ug developmental clubs ang magtigi alang sa korona.

Ang usa ka bulan nga kompetisyon gibuak sa duha ka kategoriya -- 12-under ug 17-under.

Sa opening game sa under-12 division, ang host-CEC Dragons makigbangga sa Springdale, mao sab sa 17-under diin ang CEC moharong sa bisitang Springdale.

Si league commissioner Jude Paraz nagkanayon nga ang kompetisyon mosubay og single round-robin format diin ang top two teams automatic nga magsangka sa kampiyonato.

Si event organizer ug Hapee Online Camp training director Mark Tallo nagkanayon nga ang MVP ug ang maapil sa Mythical Five makadawat og special nga ganti. – BANAT NEWS