CEBU, Philippines - Miposte og daog ang Sugbo Customs Brokerage ni coach Atty. Ben Bongon pinaagi sa pagbukbok sa Red squad, 96-79 sa Still Fighting Athletics Association (SFAA) 2010 basketball tournament didto sa CEC covered court sa dalan Dimasalang, ning dakbayan.
Sa laing duwa, ang Scarborough mipukan sa Dark Green sa iskor nga 68-72.
Si Arnold Fernandez mikulit og 20 puntos alang sa Sugbo Brokerage, nga nakigsawo sa liderato sa managsamang 5-1 win-loss records.
Nagtusaktusak ang mga puntos sa Sugbo Brokers ug wala na kini molingi pa human miposte og 19 puntos nga bentaha sa halftime, 50-31.
Ang Red Team gipangulohan ni Chris Dabalos pinaagi sa iyang 30 puntos.
Sa lain pang mga duwa, ang TNT sa pagpangulo sa ilang team captain Tony Piloton mipahamtang og laing kapildihan ngadto sa ZAON sa iskor nga 72-65 alang sa ilang 4-2 nga baraha, samtang ang SWAN RTW mi-iskor sab og 63-45 nga kadaugan batok sa Yellow Team ug ang undermanned nga Warriors mibuntog sa Black sa iskor nga 90-81.
Ang SWAN ug ang Warriors pareho nagbitbit og 2-4 nga baraha.
Puntos Matag Usa
Sugbo Brokers (96) - Fernandez 20, Cabañero 17, Romariz 12, Morre 10, B. Bongon 8, Kyamko 7, Dinela 7, Tan 5, Calderon 4, Bongon 4, Batad 2
RED Team (79) - Dabatos 30, Quilente 12, J. Magno 10, Bejaresco 8, Cabangbang 7, Mahawan 6, Makinao 2, Baluro 2, Lasque 2. – BANAT NEWS