Umaatikabong bakbakan sa PBA wildcard phase
MANILA, Philippines - Kung may dapat mang abangan ang mga basketball fans sa wildcard phase, ito ay ang salpukan ng mga Whoppers at Tigers.
Sa kalagitnaan ng second round, dinala ng Burger King sina shooting guard Gary David at point guard Chico Lanete sa Coca-Cola para makuha sina Fil-Am guard Alex Cabagnot at forward Wesley Gonzales.
Ayon kay coach Yeng Guiao, ito ang hihila ng interes ng mga basketball afficionados.
“The Burger King-Coke battle is very interesting. We hot involved in a trade deal that have made both teams better,” sabi ni Guiao. “The game will involve a lot of pride.”
Nakatakdang maglaban ang No. 8 Whoppers at ang No. 7 Tigers ngayong alas-6:30 ng gabi matapos ang banggaan ng No. 6 Sta. Lucia Realtors at No. 9 Rain or Shine Elasto Painters sa 2009-2010 PBA Philippine Cup sa Ynares Sports Center sa Antipolo City.
Kapwa nanggaling sa malalaking panalo ang Burger King ni Guiao at ang Coke ni Bo Perasol bago ang kanilang salpukan.
Tinalo ng Whoppers ang No. 1 Alaska Aces, 87-80, noong nakaraang Miyerkules, samantalang sinagpang naman ng Tigers ang talsik nang Barako Bull Energy Boosters, 91-89, mula sa isang turnaround jumper ni Fil-Tongan Asi Taulava sa huling 1.8 segundo.
Nasa isang three-game winning streak ngayon ang Coke. (RCadayona)
- Latest
- Trending
