Maruming laro ng UAE nalusutan ng Smart Gilas Pilipinas

DUBAI--Isang emosyonal na 79-72 panalo ang iti­nakas ng Smart Gilas Pi­lipinas laban sa Al Nasr ng United Arab Emirates patungo sa quarterfinal round ng 21st Dubai Invitational dito sa Al Ahli Indoor Stadium kahapon.

Naging marumi ang pag­lalaro ng Al Nasr kung saan pumutok ang nguso ni Chris Tiu at nasiko naman sa muk­ha si JV Casio ni Khalal Msebah.

“I expected this tough game from the domestic team and I also felt we sho­wed a great heart in this tour­nament in the very difficult moment,” wika ni Smart Gilas’ Serbian coach Rajko Toroman.

Ang naturang mga tres ay mula kina Tiu, Casio at Mac Baracael.

Dala ngayon ng Nationals ang 3-1 baraha sa Group B sa ilalim ng 3-0 ng Al Jalaa kasunod ang 2-1 ng Zain ng Jordan.

Kung magtatapos ang Smart Gilas bilang second seed, makakalaban nila ang No. 3 seed na alinman sa Al Jazeera ng Egypt at natio­nal team ng United Arab Emi­rates na kapwa may 1-2 ba­raha.

Smart Gilas 79- Casio 16, Sampson 15, Baracael 15, Tiu 13, Cawaling 5, Lassiter 4, Ballesteros 4, Jazul 3, Barroca 2.

Al Nasr 72- Slimen 24, Leslie 20, Jones 16, Obed 5, Hassan 3, Hemed 2, Msebah 2.

Quarterscores: 16-21; 51-39; 62-57; 79-72.