CEBU, Philippines - Adlaw na lang ang gipaabot aron mapahigayon ang labing unang fun run sa mga kabataan dinhi sa Sugbu -- ang Sinulog Kiddy Run karong Sabado sa alas-6 sa buntag diha sa Banilad Town Centre (BTC).
“Andam na ang tanan,” matud pa ni race director, Joel G. Baring sa Sports and Fitness Enthusiasts (SAFE) nga maoy gitahasan sa BTC alang sa technical operations.
Niadtong interesadong moapil, mahimong magparehistro diha sa BTC admin office. Aduna kini registration fee nga P150 matag entrante. Libreng t-shirt ang ihatag sa unang 150 registrants. Ang deadline sa registration hangtod lamang karong Biyernes.
Ang Sinulog Kiddy Run bukas niadtong mga kabataan nga nag-edad gikan sa singko hangtod sa 13 anyos.
Mga kategoriya nga tigian mao ang 8-under, 10-under ug 13-under.
Ang Sinulog Kiddy Run maoy pasiuna sa labing daku nga Cebu City Marathon karong Domingo.
Alang sa dugang mga kasayoran, mahimong motawag sa 345-3260 o email sa activities.btc@gmail.com o bisita sa online BTC’s accounts sa Facebook, Wordpress ug Multiply. – BANAT NEWS