CEBU, Philippines - Tulo ka sporting events ang molamas sa 56th Don Bosco Founder's Day sugod karong Enero 15 diha sa Don Bosco Technology Center sa barangay Punta Princesa.
Kini naglakip sa football, volleyball ug basketball.
Ang football adunay festival-type, 7-a-side competition ug 11-a-side ug ingon man futsal o indoor football
Ang 7-a-side naglatid sa 10 ka kategoriya, walo alang sa boys ug duha alang sa all-female action (girls 17 ug ladies open).
Ang age-brackets ubos sa boys category mao ang 8, 10, 12, 14 ug 17 under, men's open ug 38-above.
Gidapit ni coach Glenn Ramos ang pipila ka out-of-town teams aron mosalmot sa torneyo, apan ning pagsulat wala pa sila makadawat og kompirmasyon.
Ang deadline sa pagduso sa mga entries sa 7-a-side karong Enero 12 dungan sa pagpahigayon sa coaches ug managers meeting. Ang registration alang sa 11-a-side hangtod lang sa Enero 18 ug ang futsal sa Enero 25.
Sa laing bahin, ang futsal, duwaon karong Enero 26 hangtod sa 30.
Ang mga iskedyul sa volleyball ug basketball gihikay pa sa mga organizers sa pagka karon. (BANATNEWS)