JBX, LLBA Orange midaog sa LLCJ Christmas league

CEBU, Philippines - Ang JBX squad ug ang LLBA Orange milansang og daog human gipilde ang tagsa-tagsa nila ka kaatbang sa Lapu-Lapu City Jail Christmas League 2009 diha sa Lapu-Lapu City Jail open court.

Ang JBX milubong sa LLBA Black sa iskor nga 90-63, samtang ang LLBA Orange mipukan sa Santino sa iskor nga 58-51.

Sikit pa kaayo ang duwa sa unang duha ka kuwarter diin ang JBX igo lang milabaw og uno punto sa halftime, 39-38. Apan sa sunod nga kuwarter ang JBX milusad og makalisang nga 27-13 run aron pagposte og 23 puntos nga bentaha, 66-43 paingon sa final quarter.

Sila si Franklin ug Cartin parehong milansang og 17 puntos aron pangulohan ang JBX. Ang LLBA gipangulohan sab ni Pompie Ngujo, kinsa miposte og 20 puntos, gisundan ni Paulo Villamor nga adunay 14 puntos. Miabag sab si Dorig nga miamot og 12 puntos, si John Medina mitampo og 11 ug si Billy Nadado miabuno og sayes puntos.

Sa laing bahin, ang LLBA Orange gipangulohan ni Kaky Versoza, kinsa mibahog og 17 puntos, gisundan ni Ram Gomez sa iyang 16 puntos.

Samtang ang pilderong Santino gipangulohan sab ni Esona, kinsa mibugha og 22, gisundan ni Apple Tuadles.

PUNTOS MATAG USA

Unang duwa:

JBX (90) - Cartin 17, Franklin 17, Babao 15, Sumalinog 12, Pahugot 9, Jumao-as 8, Buot 8, Tuhog 4, Anta 2

LLBA BLACK (63) - Ngujo 20, Villamor 14, Dorig 12, Medina 11, Nadado 6, Paquibot 2

Ikaduhang duwa:

LLBA ORANGE (58) - Versoza 17, Gomez 16, Tejedar 10, Ciriaco 6, Lamoste 6, De la Peña 4, Giganto 2

SANTINO (51) - Esona 22, Tuadles 14, Vidal 7, Austria 6, Lasala 2, Lumantas 2, Estorgio 2   (BANATNEWS)