CCSC boxers nanghawod

CEBU, Philippines - Unom ka boksidor sa Cebu City Sports Center (CCSC) stable ang nidaog sa "Paboksing sa Barangay”    sa miaging gabii diha sa Guadalupe Sports Complex, ning siyudad.

Si Junriel Jimenez sa CCSC mipaundang ni Lester Tejada sa Rex Wakee Salud (RWS) stable sa second round sa ilang sangka sa 42 kgs division.

Lain pang CCSC boxers nga midaog naglakip nila ni Rodex Piala batok ni Rommel Vega sa CBA stable, Jay-ar Barroma batok Juvanni Ruelan sa Pasil stable, Allan Refeulla batok Lyndell Raduc sa Sta. Cruz, Raymund Empic batok Jared Jalil Payao sa Omega stable.

Midaog usab si Dodie Boy Peñalosa batok ni John Ryan Eastquimbo sa Cortes stable pinaagi sa puntos.

Tulo ka boksidor sa Omega stable ang milampos sab sa ilang kampanya. Si Jack Tepora midaog batok ni Cesar Sumabong sa RWS stable, sila si Jonas Sultan ug Tonton Sultan mimakmak nilang John Kennan Villaflor sa CCSC stable ug Junjun Catubay sa RWS stable.

Si Mike Tyson Labor sa RWS stable walay kukaluoy nga mikulata ni Joven Batolan sa CBA stable sa 49 kgs. category.   – BANAT NEWS