Barako Bull dumapa sa Purefoods, Yap bida

MANILA, Philippines - Maagang humataw ang Purefoods upang mag­poste ng 21-puntos na kalamangan na hi­na­yaan lamang nilang ma­ubos sa ikaapat na quarter.

Mabuti na lamang at gumana ang depensa ng TJ Giants sa hu­ling bahagi ng labanan upang mapreserba ang panalo, 70-66 kontra sa magiting na naki­pag­labang Barako Bull sa pag-usad ng KFC PBA Philippine Cup sa Araneta Coliseum ka­gabi.

Nanguna si James Yap para sa Purefoods sa pagkamada ng 18-pun­tos, walo nito sa ika­apat na quarter para sa kanilang ikaapat na su­nod na panalo na nag­kaloob sa kanila ng solong ikatlong puwesto taglay ang 8-4 kartada.

Matapos humataw sa unang quarter na kanilang tinapos sa 21-9 ka­lamangan, lumayo ang Purefoods sa 32-11 sa kasagahan ng ika­lawang quarter.

Ngunit unti-unting nag­bangon ang Bara­ko Bulls na nagawang itab­la ang iskor sa 61-all sa ikaapat na quarter sa tres ni Jojo Duncil 5:47 ang oras. (MB)