CEBU, Philippines - Miugkat sa ikatulo nilang sunod-sunod nga daog ang RCAF ni team owner Romeo Faunillan human kini maka-ipsot batok sa Carletos, 82-79 sa Norvic Abella Cup 2009 basketball tournament diha sa Labangon barangay hardcourt.
Ang Carletos ubos sa tandem nilang Junrey Guimarangan ug Bulldog Dacuyan maoy nidominar sa unang-duha ka kuwarter ug ilang gitapos ang halftime sa iskor nga 40-38. Apan ang RCAF kalit nga nanginit sa third quarter ug ilang nakuha ang momentum ug miposte og 60-53 nga bentaha paingon sa final period.
Sila si Jung Wilbur ug Fritz Baguia nagkumboya og 29 puntos aron pangulohan ang RCAF. Si Wilbur mihipos og 16 puntos, samtang si Baguia mikimada og 13 puntos. Ang pilderong Carletos gipangulohan sab ni Guimarangan, kinsa mi-iskor sab og 16 puntos.
PUNTOS MATAG USA
RCAF (82) - Wilbur 16, Baguia 13, A. Tabasa 10, Tapere 10, RJ Tabasa 6, Dacuyan 6, Sarucam 5, Faunillan 4, Rusiana 4, Sabanal 2, Ortega 2, Mosqueda 2, Martinez 2
Carletos (79) - Guimarangan 16, Dacuyan 11, J. Bosque 8, Rama 7, M. Penetrante 6, Penetrante 6, C. Bosque 5, Betanio 5, Amimita 4, De Asis 4, Pilares 4, J. Penetrante 3 (BANATNEWS)