Mawin's Kitchenette sud na's finals

CEBU, Philippines - Nagpabiling walay pilde ang Mawin's Kitchenette ni team owners Maia Adriatico ug Sherwin Lequit pinaagi sa pagpukan sa Soil Guard ni Ronald Caballes, 94-88 alang sa ilang ikasiyam nga daog ug hingpit na nga miabante sa finals sa JS Contractors Cup 2009 basketball tournament diha sa Don Vicente Sotto Memorial Gym sa Brgy. Punta Princesa, ning siyudad.

Gipahamtang og 13 puntos ang Mawin's sa first period, 15-28, apan sila si Mat Vallejo ug Lequit miduslit og 24-11 nga rally aron tablahon ang iskor sa halftime, 39-all.

Ang Soil Guard subling miangkon sa labaw ug miposte kini og 69-65 nga bentaha sa katapusang 1:28 sa duwa hangtod nga naka-kompleto og   three-point play si Vallejo aron hatagan ang Mawin’s sa labing una nilang labaw, 90-88. Gikan niadto, wala na maka-iskor ang Soil Guard hangtod nga nahurot ang oras sa duwa.

Ang Mawin's moharong sunod batok sa modaog sa playoff match tali sa Victor Village ug Ritchie alang sa kampiyonato sunod Domingo.

Ang Ritchie nakaginhawa pa human midaog batok sa twice-to-beat Victor Village sa iskor nga 85-71.

PUNTOS MATAG USA

Unang duwa:

Mawin’s (94) - Eleazar 28, Vallejo 24, S. Lequit 11, Taborada 10, Sanding 10, Duane 3, Pineda 2, Caburnay 2, Lequit 2, Empenado 2

Soil Guard (88) - Caparoso 28, R. Saberon 26, Castanares 14, Abastillas 12, L. Saberon 4, Ragas 2, Hermino 2

Ikaduhang duwa:

Ritchie (85) - Gonzales 20, Paguntalan 19, Pagara 14, Jayme 10, Emecillo 8, Padigos 4, Canencia 4, Tojoy 2, Lecaros 2, Poblete 2

Victor Village (71) - Rabadon 18, Empenado 18, T. Carungay 16, Belocura 11, Sotes 4, J. Carungay 2, Jordan 2   (BANATNEWS)