Red Cross Humanity Run mosikad na

CEBU, Philippines - Magginukdanay na ang dul-an sa 500 ka runners sa pagsikad sa labing unang Red Cross Humanity Run diha sa PNRC Bldg. sa Osmeña Bvld., ning siyudad.

Ang Kenyan missionary nga si Simon Losaiboi ug Madelyn Carter maoy nag-una sa listahan sa mga top runners nga modagan.

Modagan sab ang mga tinun-an gikan sa nagkalain-laing tunghaan dinhi sa Sugbu ug sa silingang lalawigan.

Ang adunay upat ka divisions   -- 10K (Open), 10K (Executive), 5K (Open) ug 5K (Red Cross/Youth/Volunteer/Staff).

Gipasiugdahan sa PNRC, ang maong kalihukan gipaluyohan sab sa Habagat, DOT & Sports ug Cebu Heena Finance Company Incorporated. – BANAT NEWS