Tang-ang swimmers moapil sa Aquamundo swimfestival

CEBU, Philippines - Kapin sa 100 ka swimmers gikan sa nagkadaiyang kahugpongan sa Visayas ug Mindanao ang mopakita'g aksiyon sa labing unang Aquamundo Swimfest karong adlawa diha sa Cebu City Sports Center (CCSC).

Mga bisitang mga swimming clubs nga mosalmot naglakip sa Cebu Blue Marlins, Bohol Dolphins, Dipolog Blue Marlins, Silliman-Dumaguete Red Snappers, Malapascua Swim Team ug Negros Oriental Blue Dolphins.

Sukdon ang ilang abilidad sa mga koponan nga nagbasi dinhi sa Sugbu sama sa   Abellana National School (ANS), University of San Jose-Recoletos (USJ-R), Cebu International School (CIS), Holy Cross Academy (HCA) ug Cantumog National High School (CNHS).

Kapin sa 60 ka mga bulawang medalya ang gitagana alang sa 17-above, 15-16 yrs. old, 13-14 yrs. old, 11-12 yrs. old, 9-10 yrs. old ug 7-8 yrs. old divisions. – BANAT NEWS