CEBU, Philippines - Magbinuk-anay karon sa ilang baraha ang Naga ug ang Minglanilla sa ilang sambunot sa pagpadayon sa 2009 Gullas Cup basketball tournament diha sa Naga Sports Complex, Cebu.
Ang duha kasamtangan karon nagbitbit og managsamang 1-2 win-loss records.
Sa dili pa ang ilang kumbati sa alas-9 sa gabii, ang league leader Talisay, kinsa wala pa makatilaw og pilde sud sa tulo ka duwa makigbatok sa Sibonga nga adunay 1-2 nga baraha.
Ugma, magsangka ang Sibonga ug ang San Fernando alang sa pasiunang duwa sa alas-7 sa gabii, sundan sa duwa tali sa Minglanilla ug Carcar didto sa Minglanilla Sports Complex
Ganting salapi ang madawat sa mga mananaog. Ang kampiyon mobulsa og P30,000, ang second placer makaangkon og P25,000, samtang ang third placer makadawat og P20,000.
Ang non-winners hatagan og P10,000 matag usa kanila. – BANAT NEWS