Alelu's Friends daog batok sa Cambiohan
CEBU, Philippines - Milansang og laing daog ang Alelu's Friends human nila gipilde ang Cambiohan, 67-57 sa nagpadayong Christmas Basketball League 2009 sa Barangay Nangka sa Consolacion, Cebu.
Ang Alelu's Friends sa pagpangulo ni Lemuel Malagar, kinsa mikulit og 15 puntos midikta sa dagan sa duwa human miposte og 15-12 nga bentaha paghuman sa unang 10 minutos sa duwa.
Gikan sa 33-28 sa halftime, ang Alelu's Friend padayong mimakmak sa Cambiohan aron inaton ang ilang labaw ngadto sa otso puntos paingon sa final period, 55-47.
Ang Alelu's Friends subli mipahunos sa ilang opensiba hangtod nga naangkon ang double-digit nga kadaugan.
Si James Canono mibugha og 13 puntos, samtang sila si Filam Bio ug Iyo Sanchez miabuno og 11 puntos matag usa alang sa Alelu's Friends.
Si Wewe Tibon maoy topscorer sa Cambiohan pinaagi sa iyang 15 puntos, gisundan ni Honhon Maglasang nga adunay nuybe puntos.
Ang maong kompetisyon gipaluyohan ni Nangka Brgy. Capt. Rey Cataluña uban ni Hon. Neil Congson isip commissioner.
PUNTOS MATAG USA
Alelu’s Friends (67) - Malagar 15, Canono 13, Bio 11, Sanchez 11, Rojas 10, Pardillo 6, Lavares 2
Cambiohan (57) - Tibon 15, Maglsang 9, Elmer 9, Bacus 6, Gonzaga 4, Garcia 4 (BANATNEWS)
- Latest
- Trending
