Heroes Run gisibog
Ang Youth Heroes Run nga ipahaom unta sa Bonifacio Day kagahapon, gisibog ngadto sa Enero 9 ug pagaulohan na kini'g Sinulog Kiddy Run diha gihapon sa Banilad Town Centre (BTC).
Ang lumba gibahin sa tulo ka dibisyon -- 1K (8-under), 2K (10-under) ug 3K (13-under).
Nahukman sa mga organizers nga isibog ang maong lumba agi’g tubag sa mga hangyo sa mga tunghaan. Ang Sinulog Kiddy Run himuon usa ka adlaw sa dili pa ang Cebu City Marathon.
Gawas sa gold, silver ug bronze medals, ang BTC nag-andam usab og mga pahalipay alang sa mga mananaog.
Aron kahatagan og seguridad ang kabataan nga moapil sa lumba, ang mga partisipante magginukdanay sulod lang sa BTC grounds.
Niadtong gustong mosalmot, ang registration fee nagkantidad og P200 libre na ang t-shirt alang sa unang 150 ka registrants.
Alang sa dugang mga impormasyon mahimong motawag sa BTC office sa numero 345-3260. (BANATNEWS)
- Latest
- Trending
