P10 mil giandam nga ganti

CEBU, Philippines - Dul-an sa P10,000 nga ganting salapi ang giandam alang sa top performing entries sa Brgy. Labogon Open and Kiddie Active Chess Tournament nga mahitabo karong Disyembre 5 sa alas-9 sa gabii diha sa Labogon barangay hall sa dakbayan sa Mandaue.

Ang usa ka adlaw nga kompetisyon mosubay sa 7-round Swiss system format, diin ang matag magduduwa hatagan og 25 minutos sa pagtapos sa duwa.

Ang kampiyon sa open division makadawat og P2,000, mopahiluna sa ikaduha makaangkon og P1,000 ug ang ikatulo mobulsa og P700.

Ang fourth placer gantihan og P500, ang fifth placer hatagan og P300, samtang ang motapos gikan sa ikaunom hangtod ikanapulo nga dapit premyohan og P200 matag usa.

Aduna kini entry fee nga P50 alang sa kiddies ug P100 alang sa open division. Ang onsite registrants pabayron og P150.

Ang maong kalihukan gipaluyohan sa Rose Pharmacy ug sa Labogon barangay council ubos sa liderato ni Brgy. Capt. Damaso Tumulak.

Alang sa dugang mga kasayoran, niadtong buot moapil mahimong motawag ni tournament organizer NM Leonardo Alidane sa 0939-4890160 o di ba ni FIDE arbiter Marvin Ruelan sa 0916-4232335.    (BANATNEWS)