Golf, football sa PSA Sports Forum
MANILA, Philippines - Ang Philippine golf team para sa 25th Southeast Asian Games ang magbibigay naman ng kanilang tsansa sa biennial meet sa Laos sa susunod na buwan bilang panauhin sa PSA Forum sa Shakey’s U.N. Avenue branch.
Kakatawan ng team sina Tonton Asistio, ladies team coach Carmelette Villaroman at team captain at National Golf Association of the Philippines (NGAP) director Pablo Soon.
Ang iba pang panauhin sa Forum na maririnig sa DZSR Sports Radio 918 na hatid ng Outlast Battery, PAGCOR, Accel at Shakey’s ay sina Philippine Football Federation (PFF) president Jose Mari Martinez at Manny Batungbacal ng Irok Philippines.
Tatalakayin ni Martinez ang promotional event na magsisimula sa pagdaraos ng World Cup na iho-host ng South Africa, at tatalakayin naman ni Batungbacal ang Irok Philippines’ international futsal tournament tampok ang bibisitang Australian team.
- Latest
- Trending
