CEBU, Philippines - Mopakita na sab sa ilang talento ang RPN-dyKC Channel 9 fan's clubs sa ipahigayong "Codename: Young at Hearts Sportsfest" karong adlawa diha sa Tabok Sports Complex sa dakbayan sa Mandaue.
Sa dili pa ang pormal nga kumbati, himuon ang tradisyonal nga parada sa alas-9 sa buntag nga manukad sa RPN-dyKC Channel 9 Compound sa Maguikay paingon ngadto sa Tabok Sports Complex.
Ang manedyer sa RPN Channel 9 nga si Ms. Fides Palicte, gipaabot nga mohatagsa iyang mahinungdanon ug undanon nga mensahe atol unya sa opening ceremonies.
Mga duwa nga tigian ning usa ka adlaw nga kompetisyon nga gipasiugdahan ni Engr. Wing Almerida, ang technical engineer sa RPN Channel 9 ug bise presidente sa Young at Hearts mao ang basketball (men) volleyball (mixed), badminton (mixed), chess (men) ug ang parlor games.
Ang usa ka adlaw nga kalihukan gisuportahan usab sa Mandaue City Government ubos sa liderato ni Mayor Jonas Cortes, Bersheba Well Purified Drinking Water, John Vicor Omolon, Victor and Neods Murcia ug ni Tabok Brgy. Capt. Dario Tariman. (BANATNEWS)