CEBU, Philippines - Gisubha'g daog ang Yan C Rico, COMFA/Salo-Salo ug Tango human gipilde ang tagsa-tagsa nila ka kaatbang sa pagsugod sa LLBA Christmas League 2009 didto sa Villas Magallanes Gym sa Sta. Lucia Property sa Basak dakbayan sa Lapu-Lapu.
Ang Yan C Rico milubong sa Ace Penzionne sa iskor nga 78-53, samtang gilubong sab sa COMFA/Salo-Salo ang 3M/RJ, 80-66 ug ang Tango midaog batok sa VKK sa iskor nga 67-60.
Sayong nanginit ang Yan C Rico ni team owner Atty. Rico Amores ug miposte kini'g 17 puntos nga bentaha paghuman sa unang kuwarter, 27-10. Apan nakan-an sa Ace Penzionne ni team owner Tony Amistad ang labaw sa halftime, 32-21. Dali sab hinuon nakainat sa ilang labaw ang Yan C Rico dihang mipabuto kini og 27-16 sa iskor nga 59-37 paingon na ngadto sa final period.
Si Lito Maga maoy topscorer sa Yan C Rico nga miburak og 20 puntos, gisundan nilang Eddie Boy Alian ug Alvin Bentaza nga mirehistro og 13 puntos matag usa. Ang pilderong Ace Penzionne gipangulohan sab ni Sammy Lapoja, kinsa milansang og 11 puntos, samtang si Arnel Patalinghug miamot og 10 puntos.
Sa laing bahin, ang COMFA/Salo-Salo nilang Romy Aquino ug Ely Gomoz gipangulohan ni Arman Lamoste, kinsa miposa og 20 puntos, gisundan ni Buldog Ybañez sa iyang 11 puntos.
Si Ram Gomez, kinsa mao lang ang bugtong mi-iskor og double-figures nga 11 puntos maoy nangulo sa 3M/RJ nilang Renato Casinillo ug Christopher Sayson.
Sa lain pang aksiyon, wala sab kapugngi ang kabangis ni Jimboy Igot, kinsa mi-iskor og 17 aron pangulohan ang Tango nilang Dr. Michael Ouano ug Dr. Ryan Ceniza. Ang pilderong VKK ni team owner Victor Malingin gipangulohan sab ni Noli Paquibot, kinsa mibugha sab og 17 puntos.
PUNTOS MATAG USA
Unang duwa:
TANGO (67) - Igot 17, Cuadra 16, Ceniza 9, Fuentes 7, Jornales 6, Ouano 4, Lirasan 3, Gutib 3, Aton 2
VKK (60) - Paquibot 17, Dorig 11, Llenes 10, Oyao 9, Pardillo 6, Impas 5, Malubay 4, Montero 2
Ikaduhang duwa:
COMFA (80) - Lamosste 20, Ybañez 11, Palad 9, Giganto 9, Odiada 8, Intong 7, Dignos 6, Bontes 5, Barong 3, Aquino 2
3M/RJ (66) - Gomez 11, Ngujo 9, Sayson 9, Soroño 8, Fuentes 6, Igot 6, Lorena 4, Casinillo 4, Dacoco 2
Ikatulong duwa:
YAN C RICO (78) - Magat 20, Alian 13, Bentazal 13, Dela la Peña 7, Adlit 7, Bardago 6, Abing 4, Evangelista 3, Simbajon 2, Iscuyos 2
ACE PENZIONNE (53) - Lapoja 11, Patalinghug 10, Tampus 8, Maloloy-on 6, Cosep 6, Ompad 4, Fausto 2, Cañete 2, Decembrano 2 (BANATNEWS)