Emilmich, Mawin's wala pay pilde

CEBU, Philippines - Nagpabiling walay pilde ang Emilmich ni team manager Emil Badon ug Mawin's Kitchen ni Sherwin Lequit dihang ilang gilubong ang tagsa-tagsa nila ka kaatbang sa nagpadayong JS Contractors Cup 2009 Christmas League diha sa Vicente Sotto Memorial Gym sa barangay Punta Princesa, ning dakbayan.

Ang Emilmich milubong sa Kamikaze Knights sa iskor nga 74-57, samtang ang Mawin’s Kitchen milubong sab sa Soil Guard sa iskor nga 80-68.

Ang Emilmich miposte sa labing daku nilang labaw 28 puntos, 47-19 human sa ilang duha ka mainitong rally aron inaton ang labaw gikan lang sa 16-10 nga iskor human sa first period ug kalit misutoy human mogamit og 31-9 nga rally sa second period.

Sila si Robin Tagaloguin ug Angel Ilagan maoy nangu sa Emilmich pinaagi sa ilang 14 ug 12 puntos matag usa, samtang si Michael Badon adunay 11 puntos ug si Titing Piliotas midugang og 10 puntos.

Si Joel Banjo mao lang ang bugtong magduduwa nga miposte og double figures alang sa pilderong Kamikaze pinaagi sa iyang 30 puntos. 

Sa laing bahin, si Mat Valleo maoy nangulo sa Mawin’s Kitchen sa iyang 24 puntos, gisundan ni Reginald Taborada nga miabuno og 20 puntos. Si Tonton Caparoso maoy nangulo sa pilderong Soil Guard nga mibahog og 20 puntos.

Puntos Matag Usa

Unang duwa:

EMILmich (74) - Tagaloguin 14, Ilagan 12, Badon 11, Piliotas 10, Vinalon 8, Cabahug 6, L. Llenes 4, Econas 2, Olpoc 2, Janola 2, V. Llenes 2, Lapincao 1

Kamikaze (57) - Banjo 30, Tumulak 7, Tapaya 6, Mark 6, Cuizon 4, Chuina 2, Pacana 2

Ikaduhang duwa:

Mawins (80) - Vallejo 24, Taborada 15, Eleazar 12, S. Lequit 12, Lequit 10, Sanding 7, Empenado 2

Soil Guard (68) - Caparoso 20, R. Saberon 14, Abastillas 12, Lapinid 7, Castanares 6, Cabunilas 3, Germino 2, L. Sabweron 2, Ragas 2. – BANAT NEWS