CEBU, Philippines - Nasakmit sa Park ‘N Go Bakeshop ang solong liderato human sa ilang 100-94 nga kadaogan batok sa www.fedguns.com sa nagpadayong duwa sa Power Forty Christmas League basketball tournament kaniadtong Martes didto sa Inayawan Sports Complex.
Tungod sa maong kadaogan, naghupot na karon og 4-1 nga baraha ang Park ‘N Go nga gipangulohan ni Michael Arias kinsa miburak og 37 puntos.Si Melvin Layon mihakot og 19 puntos ug laing duha ka kauban nga sila si Domy Ozon ug Mardy Echavez parehong milansang og 10 puntos.
Mi-iksor og 15 puntos si Bobong Rosal alang sa fedguns ug laing tulo ka kauban mihakot sab og double figures apan wala sila makalikay pagsukarap ngadto sa 2-3 nga baraha.
Sa laing duwa, gipalunopan sa Water Market ang Ave Maria Sanctuary Park pinaagi sa pag-iskor og 115-108 nga kadaogan aron mo-abante ngadto sa unahan diin nagtabla na sila sa UTASSCO sa ikaduhang pwesto sa parehong 3-1 nga baraha. Bugtong ang Nelly’s Farm lang ang wala pa makatilaw og daog sa upat ka duwa ug aduna sila’y 0-4 nga baraha.
Si Gideon Bughao mikamada ug 30 puntos ug si Allan dela Rama mibugha og 25 puntos alang sa Water Market ug si Marcial Genson mihakot og 20 puntos.
Ang Ave Maria kinsa midailos ngadto sa ika-upat nga pwesto sa ilang 1-3 nga baraha, gipangulohan ni Konsehal Mario Tabar sa Inayawan kinsa miposa og 24 puntos ug si Gogo Fuentes midugang og 19 puntos. Mi-iskor sab sila si Roel Tria ug Efren Mosqueda og 17 ug 15 puntos matag usa alang sa Ave Maria.
Puntos matag usa:
Unang Duwa:
Water Market (115)— Bughao 30, Dela Rama 25, Marcial 20, Eleguin 16, Yosores 8, Abellana 8, Dejacto 6, Dacalos 2
Ave Maria (108)— Tabar 24, Fuentes 19, Tria 17, Mosqueda 15, Romanso 9, Catabas 8, Ocampo 6, Navares 4, Labajo 4, Kalinga 2
Ikaduhang Duwa:
Park ‘N Go (100)—Arias 37, Layon 19, Ozon 10, Echavez 10, Atillo 9, Rama 6, R. Rama 5, Lalican 2, Tura 2
www.fedguns.ph (94)—Rosal 15, Mabalcon 13, Javierto 12, Nacario 11, Abadejos 9, Ramil 9, Ibones 8, Cabanero 6, Rabadon 5, Abarquez 4, Villoga 2. - Gabby G. Malagar (BANAT NEWS)