Iran nagsolo sa liderato sa 2nd Nokia cagefest

CEBU, Philippines - Mikulit sa ilang ikaduhang sunod-sunod nga daog ang Islamic Republic of Iran human ilang girapido ang Japan, 86-71 sa Nokia Pilipinas 2nd Youth Invitational Basketball Championship Under-16 Youth Invitational Basketball Championships kagabii diha sa USC main gym.

Ang Japan sayong mipabuhagay og mga puntos ug milansang kini’g 22-15 nga bentaha paghuman sa unang kuwarter ug gitapos ang halftime sa iskor nga 42-38.

Sa ikaduhang higayon, mipatigbabaw gihapon ang height advantage sa Iran ug inspirado kaayong nakaduwa tungod sa pag-abiba sa ilang mga kababayan.

Nasakmit sa Iran ang abante, 69-61 human sa third period ug ila na nga gidominar ang duwa sukad niadto. 

Ang maong torneyo gidumala sab sa Rotary Club of Cebu-Fuente, Samahang Basketbol ng Pilipinas (SBP) ug Nokia.  

Puntos Matag Usa

Iran (86) - Sedighi 19, Mirfattahi 17, Monji 12, Zangeneh 10, Yousefi 10, Khademnamdari 8, Ojaghi 6, Mashayekhi 2, Taherikolahdooz 2

Japan (71) - Tawatari 27, Aratani 16, Uehara 14, Hareyama 10, Komatsu 3, Yamamoto 2. – BANAT NEWS