Tuburan miharos titulo sa Cluster III sa 5th GUV Cup

CEBU, Philippines - Giharos sa Tuburan ang titulo sa men ug women's divisions sa Cluster III sa 5th Governor Gwen Garcia Unity Volleyball (GUV) Cup niadtong miaging adlaw didto sa Asturias Sports Complex.

Dili sayon ang dalan nga gisubay sa men’s team sa Tuburan dihang gipukan sila sa ilang higpit nga kaatbang nga Aloguinsan, 18-25, 25-2, 25-22.

Hinuon, nakabawi ang Tuburan dihang ilang gibanatan ang Barili, 25-19, 21-25, 25-13, dayon ilang gisunod ang Asturias, 25-22, 25-21 aron makuha ang top spot dala ang ilang 2-1, win-loss record.

Sa women's division, ang Tuburan yano ra kaayong milabni sa korona human nila gipukan ang Asturias, 25-17, 25-12 ug ang Barili, 25-20, 25-18.

Ang Barili mitungtong sa ikaduhang dapit sa men’s ug women’s division.

Didto sa Alegria Sports Complex, ang Moalboal maoy nanghari sa men’s class, samtang ang Badian mao sab hara sa women’s class.

Ang Moalboal mitapos sa torneyo bitbit ang 4-1 win-loss record. Ilang gipilde ang Alegria, Alcantara, Ronda ug Oslob, apan napilde sila sa Dumanjug, 25-27, 25-20, 20-25.

Ang Dumanjug mipahiluna sa ikaduhang dapit human sila gipilde sa Ronda, 23-25, 27-25, 16-25.

Midaog sab ang Badian batok sa Boljoon, 25-15, 17-25, 25-14. – BANAT NEWS