Habstarken hawod sa Mayor's Cup softball tilt

CEBU, Philippines - Gilansang sa Team Habstarken ang Liloan, 11-1, aron masakmit ang kampiyonato sa 2009 Mayor’s Cup Softball Tournament niadtong miaging adlaw diha sa Talisay City.

Ang Liloan naka-iskor sa first inning, apan nalansang kini kay giharos sa Habstarken ikaduha hangtod sa katapusang inning. Ang Habstarken mihimo og tulo ka runs sa unang canto ug gisundan og laing duha sa third canto sa pagpangulo ni Rey Sadaya.

Wala makahimo og puntos ang Habstarken sa sixth inning, apan ang duha ka home-run ni Sadaya sa misunod nga hugna maoy mikandado sa daog.

Sa duwa alang sa ikatulong dapit, ang Lagtang midaog sa usa ka kulbahinam nga duwa batok sa Poblacion, 13-11. – BANAT NEWS