USPF, USC daog sa Shakey's V-League

CEBU, Philippines - Mirehistro sa ilang unang daog ang University of Southern Philippines Foundation (USPF) human nila gipilde ang University of San Carlos (USC) sud sa duha ka sets, 25-19, 25-12 sa 6th season sa Shakey's Girls V-League Visayas Regional Eliminations diha sa Lapu-Lapu Sports Complex sa Lapu-Lapu City.

Ang USPF ni coach Jordan Paca mihimo og impresibong labok sa sayong bahin aron pagposte og 15-10 nga bentaha. Hinuon, nakan-an sa USC ang labaw ngadto sa uno punto,14-15, apan ang USPF nga gipangulohan ni Jinky Garridos milusad og makalisang nga atake aron inaton og balik ang ilang labaw, 20-14 ug wala na makasikit pa ang USC sukad niadto.

Sa laing duwa, ang St. Theresa's College (STC) miposte sab og daog batok sa San Isidro,25-19, 25-15.

Ang USPF ug STC nakig-uban karon sa reigning champion Pajo National High School ni coach Fr. Rolando Manayon nga unang tulo ka teams nga daog sa labing una nilang duwa.

Ang maong torneyo mosubay og single round-robin format sa matag

bracket diin ang top two squads moabante ngadto sa crossover semis.

Ang mga mananaog maoy mag-abot alang sa kampiyonato. – BANAT NEWS