CEBU, Philippines - Nangahas ang mga pambato sa Sugbu nga sila si Leizl Lumindas-Getaruelas ug Merlita Arias-Dunkin pagsakmit og korona sa usa sa labing lisud nga climbathon event, ang Mt. Kinabalu International Climbathon karong adlawa didto sa Sabah, Malaysia.
Lain pang Sugbuanon adventure racers sa Philippine Sky Runners squad nga sila si Jeepy Lomungsod ug Napoleon dela Torre, mopakita sab sa ilang abilidad sa kinatkatay sa elite men’s division nga ugma pa sugdan.
Bisan sa kaapeki sa badyet, si Getaruelas nihukom nga mosalmot uban ang paglaum nga molambo sa iyang fourth place finish sa miaging tuig.
Sa iyang bahin, si Arias maoy bugtong Pinay nga mohagit sa iyang langyaw’ng coach nga si Francis Cosgrave lima na ka tuig ang nilabay.
Ang laing Pinoy entries ning usa ka adlaw nga kompetisyon naglakip nilang Mel Andrew Basilio ug Lee Brian sa Davao ug ang mga atleta gikan sa Manila nga sila si Nina Patricia Dacanay, Mt.Everest conquerors Leo Oracion, Janet Bilarmino, Nena Dayundon, Jean Claire Pineda ug Mon Marchan ug uban pa. – BANAT NEWS