Sign Post Ads daog sa GAA

CEBU, Philippines - Gimakmak sa Sign Post Advertising cagers ni team manager Alex Codilla ang Triple R/E, 97-77 sa una nilang duwa   sa 2009 Guadalupe Athletics Association (GAA) Inc. 2nd Conference basketball tournament diha sa Guadalupe Sports Complex.

Sayo kaayong nag-igo ang Sign Post ug miposte kini'g 25-12 sa first period ug miburot pa kini ngadto sa 17 puntos, 47-30 pinaagi sa hiniusang puwersa nilang ex-SWU Cobra Rey Potot, Danny dela Peña ug Calixto Perez.

Mi-rally ang Triple R/E ug mikitkit sa labaw ngadto sa sayes puntos sa fourth quarter, 66-60, apan ang Sign Post mibawos sab pinaagi sa ilang 30-17 nga rally aron hingpit nilang maangkon ang kadaugan.

Si Potot mihipos og 22 puntos aron pangulohan ang Sign Post, samtang si Dela Peña mitampo og 17 puntos.

Ang beteranong si Joselito Ocampo mao sab ang nangulo sa Triple R/E pinaagi sab sa iyang 22 puntos, gisundan ni Benjun Tablada nga adunay 15 puntos, samtang sila si Val Roma ug Liver Belmonte nagkumboya og 27 puntos.

PUNTOS MATAG USA

Sign Post (97) - Potot 22, Dela Peña 17, Perez 13, Gabato 10, Lelvado 10, Codilla 7, Sormillon 6, Honoridez 5, Ladaran 3, Mitante 2, Flores 2

Triple R/E (77) - Ocampo 22, Tablada 15, Roma 14, Belmonte 13, Gabutan 6, Pacaña 4, Barellano 3   (BANATNEWS)