CEBU, Philippines - Gipakuratan sa Unique Trade Center ni team owner Ronel Tiu ang mas paboritong Heartvit ubos sa ilang skipper nga si Charlie Reyes pinaagi sa pag-iskor ug buzzer-beating 84-83 come-from behind nga nga kadaogan kaniadtong Biyernes sa gabii atol sa nagpadayong 1st Punta Princesa Basketball Club (PPBC) 2009 Mike Rama Cup didto sa Vicente Sotto Memorial Gym didto sa barangay Punta Princesa, ning dakbayan.
Ang Heartvit maoy kanunay naglabaw hangtod sa kataposang 2:30 sa fourth period diin naghupot sila’g sayis puntos nga abante, 79-73 apan kalit lang mipabuto ang Unique Trade aron papason ang abante dihang ang tirada ni Louie Navarro maoy nakagatah kanila sa labing una nilang labaw, 82-81 usa ka minuto ang nahibiling oras sa duwa.
Ang kalit nga rally gidulsitan nila ni Navarro ug Fritz Sullano aron mokamang sa unahan ang Unique Trade ug si Tiu mi-iskor ug undergoal stab to aron tablhaon ang duwa sa iskor, 80-all may 1:22 pa ang nahibiling oras.
Kalmadong nakapasulod si Reynold Zamora sa iyang duha ka free throws aron hatagan ug labaw ang Heartvit sa kataposang higayon, 83-82 may 15 segundos na lang ang nahibiling oras apan nakapasulod si Rolly Catubig ug buzzer-beating shot aron baswaton ang Unique Trade kinsa aduna nay 1-1 nga baraha ug nakigtabla sa ilang biktima.
Si Catubig maoy nangu sa Unique Trade pinaagi sa iyang 23 puntos samtang mi-iskor sab si Navarro ug 20 puntos.
Gipangulohan ni Rey Jumamel ang Heartvit human siya mihakot ug 27 puntos samtang sila si Bob Tagalog, Ronald Sanchez ug Zamora nagkumboya ug 33 puntos alang sa pilderong Heartvit.
Sa sayo pa, ang ART quintet ni Rey Arellano mimakmak sa walay daog nga Wilkris, 121-94 alang sa labing una nilang daog sulod sa tulo ka duwa.
Sila si Rommel Hapin ug Junel Villahermosa maoy nangu sa ART pinaagi sa ilang 29 ug 25 puntos ug laing upat ka kauban mi-iskor sab ug double figures. Ang kanhi USJR Jaguar nga si Argiel Magan miposa ug 37 puntos aron pangulohan ang Wilkris samtang sila si Marlou Monreal ug Jay-R Caballero parehong mi-iskor ug 12 puntos matag usa.
The scores:
First Game:
ART (121)— Hapin 29, Villahermosa 2, K. Arellano 19, R. Arias 13, Sumalinog 10, N. Arias 10, Libre 6, Soco 4, A. Arellano 3, Navarro 2
Wilkris (94)— Magan 37, Monreal 12, Caballero 12, Sta. Iglesia 9, Gaviola 7, Cañedo 6, M. Arias 5, Tero 4, Maneja 2
Second Game:
Unique trade (84)— Catubig 23, Navarro 20, Libre 8, Ciabo 7, Ibona 7, Faunillan 6, Sullano 6, Tiu 4, B. Navarro 2, Pogoy 1
Heartvit (83)— Jumamel 27, Tagalog 13, Sanchez 10, Zamora 10, Babtid 8, F. Lim 7, Reyes 6, Pasana 2. -Gabby G. Malagar (BANAT NEWS)