Kompletong line-up sa CESAFI All-Star Game

CEBU, Philippines - Sa dili pa ang kumbati sa semifinals, mag-uban una sa makadiyot ang managribal nga teams alang sa tinuig nga Cebu Schools Athletic Foundation, Inc. (CESAFI) East vs. West All-Star Game karong Domingo diha sa Cebu Coliseum.

Ang showdown sugdan sa ala-1 sa hapon.

Gawas sa naandan nang mga duwa sa high school ug collegiate divisions, himuon sab ang makalingaw kaayong three-point shootout diin ang defending champion nga si Moncrief Rogado sa UC modepensa sa iyang korona, si Elwin Durano sa USPF modepensa sab sa iyang titulo isip slam dunk king.

Ang gihimong sukdanan sa pagpili sa mga players alang sa All-Star Game mao ang resulta sa team standings human sa quarterfinal round.

Ang East team pagalangkuban sa mga players gikan sa UV, USJ-R, CIT ug USPF.

Samtang ang West team langkuban sa mga star players gikan sa UC, USC, SWU ug DBTC. Mao sab ang high school, apan napun-an kini sa mga players gikan sa CEC ug   SHS-J.

Ang East team ni coach Elmer 'Boy' Cabahug pangulohan sa ilang starting unit nga naglakip ni 6-foot-11 center Greg Slaughter sa UV, Edwin Bibera sa USJ-R ug Fritz Dajalos sa USPF isip forwards, Chris Diputado ug Harold Cincoflores sa UV isip guards.

Mikompleto sa East team mao sila si Ritchum Dennison, Eulogio Lasala, Jr., Edrian Lao ug Phil Mercader sa UV, Edmar Pateño, Kurt Amores ug Marvin Duran sa USJ-R, Chester Curso sa CIT ug Ellison Rivera ug Elwin Durano sa USPF.

Ang first five sa West ni coach Roel Gomez naglakip ni   6-foot-9 June Mar Fajardo sa UC isip sentro, Eleazar Armecin ug Gilbert Gallarde sa SWU isip forwards ug Janssen Abella sa UC ug Eliud Poligrates sa SWU isip guards. Ang laing mga sakop mao sila si Moncrief Rogado, Rommel Luceño ug Kelvin Juliane sa UC, Giovanni Padillo, Sam Hermosa, Gene Noel Gallarde ug Joven Cid Cortes sa USC, Arrd Diango ug Rene Pacquiao sa SWU ug si Celso Colegado, Jr. sa DBTC.

Sa habig sa juniors, ang East team ni coach Delfin Pepito, Jr. pangulohan nilang Gerald Legarde, Francisco Arong ug Gleenson Ybañez sa UV, Mark Jayven Tallo sa CIT ug Rommel Diapera sa USPF isip starting five uban nilang Anthony Pero, Edcor Marata ug Mark Linao sa UV, Clyvin Limalima, Franklyn Batiquin ug Joseph Nalos sa CIT, Harvey Palapar ug Anthony Romaguera sa USC, Joshua Corcilles sa USPF ug Jerry Lin sa CEC.

Ang grupo sa West ni coach Reggie Licanda naglakip nilang Alvin Labolabo Jr., Alfred Codilla, Jerei Marion Pingoy ug Gerald Ampoon sa UC ug Clint Muñez sa USJ-R. Mokompleto sa team mao sila si Alexander Nazareno sa UC, Gudeve Edu Autentico ug Venjie Trozo sa USJ-R, Krisstofer Porter, Adven Jess Diputado, Adrian Muller, Gabe Dominic Branzuela ug Jerry Jan Albert Seno sa SHS-J ug sila si Laurence Ruiz ug John Ruiz sa DBTC. – BANAT NEWS