Revodem, delos Santos naghari sa Fiesta Run '09

CEBU, Philippines - Gidominar nila ni Revodem Aranas ug Mary Grace delos Santos ang tagsa-tagsa ka dibisyon sa labing unang "Fiesta Fun 2009" sa Archdiocesan Shrine of Our Lady of Fatima Parish sa Basak, Mandaue City niadtong Sabado.

Si Revodem, mitadlas sa finish line sud sa 24 minutos ug 18 segundos aron paghari sa 7-kilometer men open race. Si Adonis Singson mi-okupar sa ikaduha uban sa oras nga 24:29, gisundan ni Elmer Bartolo sa oras nga 24:54.

Mipahiluna sa ikaupat mao si Jobert Carolino sa iyang oras nga 25:14, samtang si Eugene Delposo napunta sa ikalimang dapit.

Mikompleto sa top-10 finishers mao sila si Gisiy Pasculado (27:05), Robert Dang (28:20), Ruth Banzon (29:38), Jessie Mesa (29:58) ug Daniel Quiño (30:38).

Sa pikas bahin, si delos Santos nagpabiling walay pilde sa tanang lumba nga iyang gisalmotan dinhi sa Sugbu human niya gidominar ang 7K women's open pinaagi sa pagtapos og dagan sud lang sa 31 minutos ug 20 segundos

Iyang naunhan silang Joeyry Lee ug Doris Nudalo nga mipalandong sa ikaduha ug ikatulo nga dapit. Si Lee mi-oras og 33:00, samtang si Nudalo mirehistro og 38:21.

Naglangkob sa top-10 finishers mao sila si Honnylyn Jubay (42:24), Delia Nudalo (44:30), Sydney delos Reyes (46:25), Nene Lansang (47:09), Merlygleen Dagohoy (50:56), AV Zapanta (51:46)ug Dolores Salvador (56:58).

Sa 5K open category, sila si Jorry Ycong ug Aiza Suwaybaguio mao sab ang misakmit sa korona sa tagsa-tagsa nila ka dibisyon.

Si Ycong naghari sa men's division uban ang impresibong oras nga 17:19. Nag-una lang siya og usa ka segundo batok sa nagsunod niya nga si Joel Delposo, kinsa mi-oras og 17:20 aron sa pagpahiluna sa ikaduhang dapit, gisundan ni Reprinel Banzon sa oras nga 18:22.

Sila si Meljone Duterte (18:50) ug Felix Lopez (19:10) maoy miangkon sa ikaupat ug ikalima nga dapit. Sila si R. Batiancila (20:58), Heronisio Padilla (21:13), James Noval (23:11), Alexdizon Etang (23:19) ug Johnrey Capuras (23:58) maoy mikompleto sa top-10 finishers.

Sa iyang bahin, si Suwaybaguio mao sab ang labing   kusog nga nidagan sa women's division ug iyang gitapos ang lumba sud sa 21 minutos ug 58 segundos. Gisundan ni Mary Jay Tabal nga mi-oras og 22:49 ug Gerly Rose Baylon nga mitapos sa oras nga 24:45.

Mikompleto sa top-10 finishers mao sila si Merlie Judilla (36:00), Christine Imbestro (38:00), Lucila Flores (38:28), Regina Rama (41:03), Sofia Pacaña (41:33), Catherine Ypil (42:49) ug Ann Enriquez (46:00)

Ang maong lumba nga gitukod sa Commission on Youth (COY) ubos sa liderato nilang Agnes Labrada ug Niña Marie Tomongha maoy mitimaan sa pagsugod sa ika-34 nga kasaulogan sa kapistahan sa Our Lady of Fatima karong Oktubre 4-13.

Nahimo sab ang maong kalihukan pinaagi sa pagpaluyo sa    Ramon Aboitiz Foundation Inc., Alberto's Pizza-Pusok, Lapu-Lapu City, Freshco Cebu, Monde Nissin Corp., Norkis Trading Co. Inc., Philippine Spring Water Resources Inc., Shemberg Marketing Corp., Artisan, MS Motosuit, Rulls Homebakeshop, EM Carton Enterprises, Seiko Center-Colon, Zesto ug Eden Bio-Tech.    (BANATNEWS)