CEBU, Philippines - Nakaipsot ang Cansojong sa ilang duwa batok sa Dumlog bitbit ang makutas nga kadaugan batok sa Dumlog, 84-83 aron pagsakmit sa titulo sa senior's division sa 2009 Talisay City Mayor's Cup basketball tournament niadtong miaging gabii diha sa Talisay Sports Complex.
Sa sayo pa, init usab ang kumbati alang sa ikatulong dapit diin ang Poblacion 1 igo lang midaog og uno punto batok sa Tabunok 2 sa iskor nga 89-88 human mapasulod ni Clayton Labaga ang mahinungdanon niyang duha ka free-throws.
Si Rogelio Pogoy miratsada og 25 puntos, gisundan ni Emilio Aninon Jr. nga miposa og 18 puntos ug si Jenover Rosagaran miabuno og 13 puntos alang sa Cansojong, kinsa nabiyaan og 12 puntos sa halftime, 34-46.
Nakarekober hinuon ang Cansojong sa third period pinaagi sa ilang 26-15 rally sa pagpangulo nila ni Pogoy ug Niño Cabigas nga nagkumboya og 18 puntos aron pahakan ang labaw sa uno punto, 60-61 paingon sa final period.
Nagbinayloay og mga puntos ang duha ka kampo sukad niadto, apan ang basket ni Cyril Pedros sa nahabiling dos segundos maoy mihingpit sa ilang kadaugan.
PUNTOS MATAG USA
Unang duwa:
Poblacion 1 (89) – Bonjoc 19, Abellana 18, Basmayor 18, Iglamo 18, Labagala 5, Agudo 5, Del Rosario 4, J. Seguerra 2
Tabunok 2 (88) – Tabar 24, Cabanero 20, Sunga 12, Sacares 10, Abatayo 8, Baltazar 6, Campo 6, Rabaya 2
Ikaduhang duwa:
Cansojong (84) – Pogoy 25, Aninon 18, Rosagaran 13, Cabigas 10, Abasanta 8, Gorion 6, Pedros 3, Carillo 1
Dumlog (83) – M.Seguerra 20, Villaver 17, Obeso 13, Garces 9, Tabay 9, Antipuesto 6, Baring 6, Sab-a 3, Basillote 2 (BANATNEWS)