Andam na ang tanan alang sa "Fiesta Run 2009"

CEBU, Philippines - Andam na ang tanan alang sa labing unang "Fiesta Run 2009" karong Oktubre 3 diha sa Our Lady of Fatima Parish sa Basak (Archdiocese Shrine) sa Basak, Mandaue City.

Dul-an na sa 200 ka runners ang nakaparehistro sa maong lumba nga gibahin sa tulo ka kategoriya -- 7K Open, 5K Open ug 3K.

Mga ganting salapi ang nagpaabot sa top 3 performers sa 7K ug 5K races.

Ang kampiyon sa 7K Open mobulsa og P2,000, ang mopahiluna sa ikaduha makaangkon og P1,000, samtang ang mo-okupar sa ikatulo nga dapit makadawat og P500.

Sa 5K Open, ang makampiyon makaangkon og P1,000, ang second placer makadawat og P700 ug ang third placer mobulsa og P400.

Ang mopahiluna gikan sa ikaupat hangtod sa ika-10 nga dapit sa 7K ug 5K makadawat og consolation prizes.

Aduna kini registration fee nga P150 (with singlet) ug P80 (without singlet).

Ang registration nagpadayon pa gihapon diha sa Our Lady of Fatima Parish convent gikan sa alas-3 sa hapon hangtod sa alas-7 sa gabii sa adlaw'ng Lunes hangtod sa Sabado ug alas-8 hangtod sa alas-11 sa buntag ug sa alas-2 sa hapon hangtod sa alas-7 sa gabii sa adlaw'ng Domingo.

Ang   registration hangtod lamang sa Oktubre 2 gikan sa alas-5 sa hapon hangtod sa alas-7 sa gabii.

Alang sa dugang pang mga kasayoran kalabot sa Fiesta Run, mahimong mo-text o tawag  sa mosunod nga mga numero: 09176282029, 09222695760 ug 09228778059.

Namugna ang maong kalihukan pinaagi sa paningkamot sa Commission on Youth ubos sa ilang co-chairwomen Agnes Labrada ug Niña Marie Tomongha.

Ang maong kalihukan nga maoy motimaan sa pagsugod sa ika-34 nga kasaulogan sa kapistahan sa Our Lady of Fatima sa Oktubre 4-13, gipaluyohan sa Ramon Aboitiz Foundation Inc., Alberto's Pizza-Pusok, Lapu-Lapu City, Freshco Cebu, Monde Nissin Corp., Norkis Trading Co. Inc., Philippine Spring Water Resources Inc., Shemberg Marketing Corp., Artisan, MS Motosuit, Rulls Homebakeshop, EM Carton Enterprises, Seiko Center-Colon, Zesto ug Eden Bio-Ttech. (BANATNEWS)