Power 40 Christmas league sugdan na

CEBU, Philippines - Buksan karong gabii ang tinuig nga Power Forty Basketball Tournament Christmas League uban ang tulo ka duwa diha sa Inayawan Sports Complex.

Unang magbagat ang Water Market batok sa www.fedguns.ph sa alas-6:30 sa gabii ug mosunod dayon ang duwa tali sa defending champion UTASSCO ug Park ‘N Go Bakeshop. Magsangka sa main game mao ang Ave Maria Sanctuary Park batok sa Nelly’s Farm.

Sa dili pa ang duwa, manumpa sab ang mga bag-ong opisyales sa Power Forty pinangulohan sa ilang presidente nga si Tony Navares. Uban pang mga opisyales naglakip nilang Romy Rama (vice-president), Nino Nuñez, (secretary), Dany Ramil (treasurer) ug Fred Tantoy (auditor).

Ang mga advisers sa Power Forty mao sila si Atty. Flor Yosores, Jojo Ibones ug Vez Eleguin. Ang commissioner mao si Edwin Dejacto. (BANATNEWS)