100 table paddlers mag-abot karon sa E-Mall

CEBU, Philippines - Gatosan ka table tennis players lukop nasud ang mopakita sa ilang abilidad sa 18th edition sa Erne Jawad Memorial Table Tennis Championships karong adlawa diha sa E-Mall Activity Center.

Mga kategoriya nga tigian ning duha ka adlaw nga kompetisyon mao ang men and women's open, boys and girls 17 ug 12-under.

Ang mga nanghawod sa miaging tuig nga sila si Julius Esposo ug Marrel Lagunday wala pa mopadayag sa ilang partisipasyon, apan gilauman kini nga mosalmot aron modepensa sa ilang tagsa-tagsa ka titulo.

Ang masaarong si Dannel Jay Tormis, kinsa milumpong sa 12 ug 17-under crowns, moduwa na karon sa 17-under bracket, kay ning higayona nag-edad na siya og 13-anyos. – BANAT NEWS