Danao mo-host sa 4th leg sa OZR Grand Prix 2009

CEBU, Philippines - Dakbayan sa Danao maoy host sa fourth leg sa OZ Racing Grand Prix Series 2009 karong Domingo diha sa Danao City Sports and Civic Center grounds.

Pormal kining gipahibalo sa OZR Corporation atol sa press conference sa miaging gabii diha sa Yayoy's Grill and Resto Bar.

Ang lumba gitunga sa duha ka bahin, ang qualifying round sa buntag ug ang final race sa hapon.

Ang usa ka adlaw nga kompetisyon salmotan sa mga dekalibreng koponan sa Sugbu sama sa Team OZR-Kamigawa, X-Racing, Cyrus, DREI Bikes, Team MAC, Pidot Racing, SkutGarage, Team Norkis Yamaha, AMC, BFC-Cyclone Danao, Bradz Racing, URBC, BMR Race Tech ug Cebu Bikers ug uban pa.

Mga kategoriya nga tigian sa maong kompetisyon nga gipaluyohan sa Danao City Sports Commission pinaagi sa ilang chairman ug city councilor Oscar 'Boying' Rodriguez Jr. mao ang first timers, 110cc beginner superstock, 25cc beginner superstock, Yamaha mixed automatic open, 110-150 novice open, 110-150 expert open ug Danao local first timers 110cc-125cc.

Sa registration nga P500, ang partisipante makadawat og t-shirt ug uban pang freebies. Mga residente sa Danao mobayad lang og P200 nga entry fee. – BANAT NEWS