CEBU, Philippines - Mabulokon, puno sa kadasig ang pagbukas sa 5th Governor Gwen Garcia Unity Volleyball (GUV) Cup kagahapon diha sa Mandaue City Sports and Cultural Complex.
Ang grand opening gitambongan ni kanhi senador Ralph Recto uban sa iyang kapikas nga si Vilma Santos ug sa ilang anak nga si Ryan Christian.
Isip usa ka lider sa ilang probinsya, si Santos nagkanayon nga sama sa Cebu aduna sab sila'y provincial volleyball tournament sa men ug women’s division.
Sa iyang bahin, si Cebu Governor Gwendolyn F. Garcia malipayon kaayo nga ang province-wide contest nga iyang gisugdan lima na ka tuig ang milabay taas na og naabtan. Laktod pagka sulti mabungahon ang GUV Cup.
Sa opening game, ang Minglanilla nimasaker sa Dalaguete, 25-12, 25-15 sa men’s Cluster I ubos nilang Lemuel Dave Areza, Klent Dacayana, Franz Sidy Opsima ug Al John Archival.
Sa laing bahin, ang best in uniform nadaog sa Tabuelan, samtang ang most punctual award gitunol ngadto sa Madridejos.