CEBU, Philippines - Nakarekober ang University of San Carlos (USC) Warriors sa nanghinapos nga bahin sa duwa aron paglansang og 74-68 nga kadaugan batok sa Cebu Institute of Technology (CIT) Wildcats sa ilang katapusang duwa sa eliminasyon sa 9th Cebu Schools Athletic Foundation Inc. (CESAFI) basketball event kagabii diha sa Cebu Coliseum.
Nakarekober ang University of San Carlos (USC) Warriors sa nanghinapos nga bahin sa duwa aron paglansang og 74-68 nga kadaugan batok sa Cebu Institute of Technology (CIT) Wildcats sa ilang katapusang duwa sa eliminasyon sa 9th Cebu Schools Athletic Foundation Inc. (CESAFI) basketball event kagabii diha sa Cebu Coliseum.
Ang Warriors, kinsa miabante ngadto sa quarterfinals isip no. 4 qualifier, miposte og 57-43 nga bentaha. Hinuon, ang Wildcats milusad og gamay'ng rally sa fourth quarter aron pagkitkit sa labaw ngadto sa singko puntos, 60-65 sa tunga-tungang bahin sa final period.
Apan mibukal ang kainit sa Warriors aron lapwaan ang Wildcats.
Si Sam Jordan Hermosa maoy nangulo sa Warriors nga mibubo og 15 puntos, samtang sila si Joven Cid Cortes ug Giovanni Padillo nagkumboya og 25 puntos.
Nangulo sa naparot nga Wildcats mao si Karen Rick de la Cerna, kinsa mi-iskor og 20 puntos. Si Heroche Molero mao lang ang laing player sa CIT nga nakakuha og double figure pinaagi sa iyang 14 puntos.
Sa juniors division, ang CIT Wildkittens mi-iskor og makabungog nga 126-44 nga kadaugan batok sa Cebu Eastern College (CEC) Dragons.
Si Mark Jayven Tallo mirehistro og 35 puntos alang sa Wildkittens, kinsa mitangag sa ilang ikaupat nga daog sa unom ka duwa.
Sa laing duwa sa juniors, ang UC Junior Webmasters milubong sab sa Sacred Heart School-Jesuit (SHS-J) Eagles sa iskor nga 92-66.