Dumlog milansang sa ikaduhang daog Talisay caging

CEBU, Philippines – Milansang sa ilang ikaduhang daog ang Dumlog human gipilde ang duha nila ka kaatbang sa SK division sa Talisay City Mayor's Cup basketball tournament diha sa Talisay City Sports Complex.

Gipilde sa Dumlog ang San Isidro ug Lawaan II ubos sa SK bracket-A.

Sa bracket-B, ang Poblacion 1 ug Tabunok 2 nagsawo karon sa liderato, samtang ang Lawaan III ug Tabunok I mao usab ang nag-una sa bracket-C.

Ang Tabunok 2 nakaipsot sa Jaclupan sa iskor nga 56-55, samtang ang Poblacion I mipalukapa sa Maghaway. Gibuntog usab sa Lawaan III ang Poblacion 2 ug ang Tabunok I milampurnas sa Lawaan I sa iskor nga 64-57.

Sa bracket-D, ang Pooc mikulit sa labing una nilang daog batok sa Cansojong.

Sa seniors division, ang Lawaan mibuntog sa Pook sa iskor nga 74-67, samtang ang Tabunok 2 midemolis sa San Isidro sa iskor nga 71-49.

Mirehistro sab og daog ang Lagtang human gipilde ang Lawaan III ug ang Tanke naka-eskapo gikan sa mga kamot sa Poblacion I bitbit ang 76-75 nga kadaugan.

Puntos Matag Usa

Unang duwa:

Dumlog ( 76) – J.Gabaca 14, Racaza 10, Diola 8, Del Rosario 6, K. Gabaca 6, Seguerra 6, Cueno 4, Diamante 4, Fajardo 4, Gutierrez 4, Taraya 4, Bascon 2, Dela Calzada 2, Sotto 2

Lawaan II (50) – Villaver 21, Gabato 8, Justiniares 7, Lingaolingao 4, Panares 4, Lacida , Aguilar 2 , Bago 1

Ikaduhang duwa:

Tabunok I (64) – J. Bucao 22, Loberanes 19, Campo 13, Caballero 6, S. Bucao 2, Cebes 2

Lawaan I (57) – Gavilan 14, Borgonia 13, Lope 7, Cempron 6, Baraga 5, Dacuyan 4, Tabas 4, Lampago 2, Soria 2 – BANAT NEWS