CIT Mipakaging Sa Don Bosco

CEBU, Philippines - Nanimaho na untang daog ang Greywolves ni coach Rudy Esterina dihang naglabaw sila og kwatro puntos, 58-54 sa katapusang 5:04 sa duwa apan nilusad og 14-2 rally ang Wildcats ni coach Gilbert Demape aron masakmit ang 68-60 nga labaw sa naghinapos nga 1:26 sa final period.

Ang maong kadaugan maoy nipalambo sa rekord sa Wildcats dala ang 2-3 win-loss nga baraha sa nagkainit nga elimination round.

Ang mainstay nga si Heroche Molero ug Arnel Ipang mibugha og 18 puntos matag usa aron pangulohan ang ilang koponan uban ni Marc Sagmon nga midunol og otso puntos alang sa Wildcats.

Sa ilang bahin, ang naparot nga Greywolves kinsa nasugamak karon sa 0-6 win-loss nga baraha, gipangulohan nila ni Celso Colegado Jr. nga mitira og 13 and Alain delos Santos nga mipusa og 11 puntos.

Sa junior division, ang defending champion University of Cebu (UC) Baby Webmasters, nikulit sa ika-unom nilang sunod-sunod nga kadaugan human nila gipakaging ang University of San Jose Recoletos (USJ-R) Baby Jaguars, 101-93, alang sa top spot sa standing.

Sa laing duwa, ang Sacred Heart School-Jesuits (SHS-J) Eagles midagit sab sa DBTC Baby Greywolves, 103-46, aron masakmit ang solong third spot sa ilang 3-0 win-loss nga baraha.

Puntos matag usa:

Unang duwa:

UC (Jrs.) 101— Ampoon 22, Nazareno 15, Pingoy 15, Padilla 12, Talisic 10, Codilla 9, Aranas 9, Labolabo 7, Pua 2

USJR (Jrs.) 93— Muñez 21, Trozo 17, Autentico 17, Escatron 16, Go 6, Montecillo 6, Alob 4, Senining 2, Figues 2

Ikaduhang duwa:

SHS-J (Jrs.) 103— Porter 12, Diputado 11, Seno 10, Branzuela 9, Muller 9, Cadavis 8, Dinsay 7, Bacaltos 7, Abbu 5, Dotillos 4, Rama 4, Co 4, Saldo 2, Dinsay 2, Tecson 2

DBTC (Jrs.) 46— L. Ruiz 12, J. Ruiz 9, Pono 7, Alburo 6, Aliganga 5, Ebajo 2, Empenio 2, Martinez 2, Balorio 2, Esbra 2

Ikatulong duwa:

CIT (72)— Molero 18, Ipang 18, Castro 12, Sagmon 8, Taboada 5, Cañete 5, Elmaga 3, Reyes 3

DBTC (63)— Colegado 13, Delos Santos 11, Aldave 8, Castro 7, Cinco 7, Juntilla 5, Cabrilles 5, Georsua 4, Villaver 3. -  BANAT NEWS