PTT engineering abante sa FFBL sa Singapore Finals

CEBU, Philippines - Miabante sa final ang PTT Engineering squad ni coach Edsel Vallena human ilang gipukan ang Pinoy United Team sa iskor, 76-70 sa nagpadayong Filipino Friendship Basketball League (FFBL) didto sa Singapore City kaniadtong Agosto 30.

Tungod sa maong kadaogan, ang PTT Engineering maoy nakigsangka alang sa best-of-three championship series batok sa Tysoleyt, ang topseed sa laing bracket nga sugdan karong adlawa.

Si Edsel Labajo maoy nangu sa PTT Engineering human siya mohakot og 17 puntos samtang si Randy Bosque midugang og 11 puntos.

Ang pilderong Pinoy United Team gipangulohan nilang Francis Santiago ug Allen Enriquez kinsa mi-iskor og 18 ug 17 puntos matag usa.

Puntos matag usa:

PTT (76)— Labajo 17, Bosque 11, Rapirap 9, Leyte 8, Baysa 8, Layno 7, Nalzaro 5, Longakit 4, Casinillo 4, Balingit 3

United Pinoy (70)— Santiago 18, Enriquez 17, Alkonga 9, Pineda 9, Omedilla 6, Saed 4, Nuqui 4, Acosta 3. - Gabby G. Malagar  (BANAT NEWS)