USC Varsity midaog

CEBU, Philippines - Milansang og managlahing kadaugan ang USC Varsity ug Igot Trucking sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC North campus gym.

Wala kaayo makasinati og kalisod pagkutlo og daog ang USC Varsity human ilang gilubong ang Yayoy's Grill and Resto Bar sa iskor nga 81-57, samtang ang Igot Trucking miagi pa og kalisod una nila maangkon ang 94-89 nga kadaugan batok sa Athan '92.

Nagmangtas ang USC Varsity pagsugod ug walay puangod nga milatigo sa Yayoy's Grill aron pagposte og 18 puntos nga bentaha, 25-7 human sa unang 10 minutos sa duwa.

Ang USC Varsity nga wala matagbaw, miinat sa ilang labaw ngadto sa 20 puntos, 46-26 sa halftime sa wala pa itamod ang 28 puntos nga labaw, 67-39 sa dayong entra sa final period.

Sa laing bahin, ang Athan unang midiktar sa tiyempo ug mirehistro kini og 46-39 nga bentaha sa halftime. Apan ang Igot Trucking miratsada sa ikatulong kuwarter aron pagsakmit sa labaw, 69-65 dayon na pagposte og daog.

Puntos Matag Usa

Unang duwa:

 USC Varsity (81) - Juariza 17, Omolon 13, Guadario 13, Lora 12, Rita 5, Dalangdan 5, Co 4, Palapar 4, Cometa 3, Jaca 2, Solon 2

YAYOY'S GRILL (57) - Alcoseba 20, Ynclino 18, Move 9, Gabato 6, Tan 3, Estenzo 1

Ikaduhang duwa:

Igot Trucking (94) - Ompad 26, Saballa 23, Peras 18, Igao 16, Calomarde 7, Dalo 2, Elemino 2

Athan (89) - De leon 48, Perales 20, Pagador 8, Tan 7, Inocencio 6. - Yoyo R. Abayan (BANAT NEWS)